Sunday, May 11, 2014

My Favorites ❤

 


السلام عليكم ورحمه الله وبركاته 

كيفكم ان شاء الله كويسين ، اليوم حابه أتكلم عن مفضلاتي للفتره الاخيرة 


 

يلا نبدأ ^_^

 

 

 

باليت الحواجب من ايلف فيها جهتين جهه واكس وجهه باودر..اول شي اسويه احدد الحاجب بالواكس وبعدين اعبي الفراغات بالباودر .. هو كويس بس حسيتو ياخذ وقت شويه لانو ع خطوتين :| يجي معاه فرشه :) بصراحه مره بطل مو ع سعره صرت استخدمو كثير ذي الفتره ,,اكثر شي استخدمو الباودر عشان اعبي فيها الفراغات اللي عندي درجه ميديم .


 


 



 

لوشن من سيتافيل هذا الشي مررره بططل , استخدمو لجسمي ترطيبه جميل وخفيف ع البشره , من افضل اللوشنات اللي استخدمتها ذي الفترة  تقريبا يستمر ترطيبه يوم كامل  ..

 


 

 

اي لاينر من ميبيلين .. شوفت اليوتيوبر نيكول تستخدمو في لوكاتها فتحمست اجربو , هو مررره جمييييل  يمشي بسرعه وثباتو كويس  يفضل رجو قبل الاستخدام عشان يصير اسود فاحم  :) 


 

 

سبراي اند لوشن من فكتوريا سكرت  مجموعه  Love Spellاحب استخدمو بعد سيتافيل عشان يعطيني ريحه  ترطيبها نوعا ما  بسيط  ,حبيت هالمجموعه ريحتها ع فواكه هاديه ..

 

 


 

  مرطب للشفايف من eos اول مره جربتو وقت البرد شفايفي كانت مره جافه رطبها لي ورجعت زي ماكانت  لانو يحتوي ع زبدة الشيا وزيت الجوجوبا من بعده صرت استخدمو كثير هو خفيف على الشفايف و تمتصه بسرعه  , بنكهة فاكهة الصيف ..



 

روج من ويت اند وايلد سمعت عليه مدح كثير من كم بلوقر ، جممميل ع الشفايف , كريمي ومايشقق الشفايف ثباته معقول وجودته كويسه درجتو 907c


 


 


 

 

كريم هاند فود من سوب اند قلوري هذا الشي مره جمييل ترطيبه مره كوويس وريحتو حلوه تقريبا زي المارشميلو ..


 

 


 

 

 

 

 

ماسكرا من ميبيلين استخدمتها يوميا الحلو فيها انها  تخلي الرموش طبيعيه وتعطي طول بسيط ..


 


 

 

 


 

 


 

 

عطر من  Abercrombie & Fifch 

العطر هذا ادمان من بدايه السنه  وانا استخدمو اصلا باين ما يحتاج ههههههههههههههه ريحته مرررره حلوه وهاديه ..


 

 


 

زيت ماكاديميا للشعر يستخدم على شعر جاف او رطب حتى قبل الاستشوار او بعدو قوامه مره ثقيل  بمجرد مسحه منو بعد الشور يعطي الشعر لمعه مره جميلة ريحته مررررره تجنن ..


 

 


 

شمعه من باث اند بودي وركس من فتره اخذتها ريحتها مره حلوه وهاديه من كثر ما حبيت ريحتها أخذت منهاا ثنين :)


 

وبس ان شاء الله تعجبكم مفضلاتي وشاركوني تجاربكم لو جربتو شي منهم .  


 

لوحابه تتابعيني في الانستقرام 

http://instagram.com/fooshblog

تويتري 

https://twitter.com/fooshbeauty


4 comments :