Eempties ! | منتجات خلصتها ~

السلام عليكم ورحمه الله وبركاته ♥♥♥

كيفكم ان شاءالله تكونوا بخير..

مره وحشتوني و وحشني التدوين :)

 بوست اليوم عن منتجات خلصتها هل راح ارجع اشتريهم مره ثانية  او لا.. المنتجات  مره كثير خلصتها الفتره اللي فاتت وما كتبت عنهم في الانستقرام بعضها احتفظت بها وبعضها لا ... بكتب ريڤيو مختصره عنهم اتمنى تفيدكم ..

يلا نبدا ..

غسولات الوجه ..

الغسول اللي ع اليمين  من كلين اند كلير فيلو زي الحبوب  تسوي تقشير بسيط تنظف البشرة مررره كويس وينفع للاستخدام اليومي راح ارجع اشتريه ...

الغسول اللي في اليسار من كلينيك من مجموعه الثري ستيبس الغسول ينظف بعمق ماراح  اشتريه لانه مافيه فرق بينه وبين كلين اند كلير  ..

 بعد اي غسول لازم بعده مرطب لانه البشرة تجف..

التونر هو ثاني خطوة بعد الغسول هو اكثر شي حبيته بالمجموعه ينظف كويس يشيل كل الدهون والاوساخ المتبقية في الوجه مااستخدمو يوميا بس بعد كل يومين لانو شوي قوي ع بشرتي .. بارجع  اشتريه .

انا بشرتي مختلطه عندي التي زون (الجبهه والانف والدقن ) مرررره دهني ..

اللي ع اليمين مرطب اورنج دايلي  مره ناسبني ترطيبو مره عالي  و تمتصو البشره بسرعه والحلو فيه انو ما يكتم البشره ومايدهنها يعطني نضارة وتصير ملمس بشرتي مره ناعمه .. راح ارجع اشتريه .

اللي ع اليسار اخر خطوه من مجموعة كلينيك المرطب جدا خفيف عَ البشره مايخليها دهنيه تمتصو البشره بسرعه مايسوي غير الترطيب .. ماراح اشتريه. 

ماسكات قلام قلو هو مكون من الطين البركاني يحتوي ع عدة مكونات مفيده للبشره وانه يعالج المسامات و البقع و الرؤوس السوداء الحبوب بانواعها .. بصراحه هو جميييل يخلي البشره مره ناعمه  و يعطي نضاره لفتره ، تخفف الرؤوس السودا و الحبوب .الابيض مناسب للبشرات الدهنية و المختلطة لانه  يصغر المسامات يخفف من ظهور الحبوب و الرؤوس السوداء و الاسود  يشد البشره  .. الاثنين يعطو نضاره و ينظفو البشره بعمق  حلو اذا كان عندك مناسبة تستخدميه قبل لاتحطين ميك اب   .. راح ارجع اشتريهم ..

زبدات باث اند بودي وركس ترطيبهم جدا جميل تمتصو البشره بسرعه استخدمتهم اكثر شي في الشتاء لانو الجسم يكون مره جاف فيرطبها لي .. راح راجع اشتريهم .

العلبه االصغيره زبده الجسم من سوب اند قلوري ماحسيت انها  مره وااو مره عاديه مافيها شي .. ما راح اشتريها . 

لوشنات فكتوريا سكريت احب استخدمهم بعد كريم ثقيل زي سيتافيل تعطيني ريحه حلوه بالنسبة للترطيب بسيط نوعا ما ..

اللي ع اليمين اسمو Amber Romance  ريحه عنبر ناعم بس بعد فتره سارت ريحته مره قويه غير مقبوله فماقدرت اخلصه :| 

اللي ع اليسار اسمو Love Spell حبيت ريحتها ع فواكه هاديهه .
هل ارجع اشتريهم ؟ لا  باخد روائح ثانية ..

فلاك اواي  من سوب اند قلوري كثير سمعت عليه مدح بصراحه من جد يستاهل التجربة مره حبيته يقشر بعمق يخلي البشرة مره ناعمة غير كذا ريحته مره جميلة.. 

سكراب ملح البحرمن باث اند بودي سكراب للجسم مره جميل ويقشر بذمه وضمير ماينفع للاستخدام اليومي لانو مره قوي و يفضل يستخدم مرتين بالاسبوع ..

هل بارجع اشتريهم ؟؟ يب 

زيت ماكاديميا للشعر يستخدم على شعر جاف او رطب حتى قبل الاستشوار او بعدو قوامه مره ثقيل  بمجرد مسحه منو بعد الشور يعطي الشعر لمعه مره جميلة ريحته مررررره تجنن بس قوامه مره ثقيل ..هل ارجع اشتريه ؟ لا ..

كونسيلر انستنت ايج ريوايند من ميبيلين مره عملي وسريع وثابت ومايخطط معاي , يعطيني تغطية كويسه استخدمو يوميا . الدرجة Medium Moyen 

فاوندشين هليثي مكس من بورجوا اول مره اخلص فاونديشن مره احبه يعطيني لوك مره طبيعي , تغطيته خفيفه الى متوسطه استخدمو يوميا  .. ما يكتم البشرة ولا سبب لي حبوب .. الدرجه ( Dark Beige( N55

 هل بارجع اشتريهم ؟ يب 

مناديل  Yes To Cucumbers 

استخدمها لمسح الميك اب ريحته خيار بعدو استخدم غسولي ما تجفف البشرة  بس ما تشيل اللي ضد الموية ... هل بارجع اشتريه ؟ لا بجرب غيرو .. 

 

الهاند فود من سوب اند قلوري  ترطيبه مره كوويس وريحته مره جميلة تقريبا زي المارشميلو بس اول مااحطه تكون ريحته قويه بس تهدا تصير ناعمه  بس ترطب اليدين ما تفتحها ولا توحد اللون وتمتصه اليد بسرعه احلى شي فيه انه ما تدبق اليدين .. بارجع اشتريه .

مزيل المناكير من سي في اس فكرته زي حق سيفورا و بروجوا ..

يشيل المناكير بسرعه ما يجفف الاظافر سهل في الاستخدام حتى يشيل القلتر .. راح ارجع اشتريه .

وبكذا خلصت المنتجات اللي خلصتها .. 

بنات مو شرط اللي يناسبني يناسبكم او العكس   تجاربي وحبيت اشاركم هيا اذا جربتو شي منهم قولولي رايكم فيهم ♥ 

كونوا بالقرب دوما ~

♡♡♡♡♡♡