Tuesday, July 5, 2016

Get Ready With Me For EID | تجهيزاتي ليلة العيد

السسسلام عليكم ورحمه الله وبركاته
اهلين بنات كيفكم ؟
العيد بكره فكل عام وانتو بخير مقدما 
بوست اليوم راح يكون تجهيزاتي ليلة العيد او اي مناسبة عندي  
طبعا من زمان عاجبتني فكرته وقررت اسوي دحين بما انو عيد و  مناسبات
 وكثير بنات طلبو مني اوريهم تجهيزاتي للعيد و المناسبات 
يلا نبدا 






اول شي احط ماسك لوجهي اخترت ماسك بيجاما سيت من فارم هاوس عشانه ينظف المسام و يضيقها وكمان يرطب البشرة كويس و يخفف الاحمرار يعني كل اللي احتاجه 

وكمان عشان اهيي البشرة للميك اب 


و بعدها احط مايونيز الشعر
من فوائده يعطي لمعه ونعومه وشكل صحي للشعر مره احبه يعطني ترطيب للشعر كمان ريحته مررره حلوه 
استخدامه زي اي ماسك بعد الشامبو احط الماسك  ع شعري كلو ماعدا الجذور 

واكثر شي  اركز على الاطراف واغطي شعري بكاب البلاستيك

وبعدين نجي لتقشير الجسم  التقشير مره مهم يا بنات لانو يشيل الخلايا الجلد الميته و نفس الوقت يعطي الجسم ترطيب

نسيت اصور المقشر ان شاء الله بس ارجع جده راح اصوره 



وبكذا اكون خلصت من عنايتي بجمسي دحين روتين بعد الشاور





بالنسبة لوجهي الكريمات اللي  استخدامها حاليا كريم الوجة و العيون و طبعا مرطب شفايف  




دحين نجي لجمسي احب ارطبه  بودي كريم بالعود او المسك  لانه ليلة عييد فانا اخترت بودي كريم بالمسك وبعدين احط عطر بالمسك خفيف
وبعدين طبعا ما ننسى الديودرينت 


لازم كلونا نلبس بيجايم جديدة ليلة العيد من اكبرنا الى اصغرنا طبعا هذي عادة عندنا :)


وبعدين نبدا بالميك اب


احب احط ميك اب مره خفيف في الصباح
والروج يكون  نود او بينك ما احب العودي او الغوامق في الصباح
احب خلي الغوامق في الليل
وبالنسبة لشعري احب اسوي شي مره سيمبل

وهذا لبسي في صباح العيد احب الالوان الهادية والناعمة



وطبعا ما ننسى العطر والعود والبخور
 وكل عام وانتو بخييييير
  ان شاء الله حبيتو البوست واستمتعو و استفدتو واشوفكم قريب ان شاء الله 
اي سوال او تعليق اكتبي بالكومنت تحت

1 comment :

  1. وانتي بخير وصحة وسلامة
    حمستيني اخذ شور اللحين

    ReplyDelete