Review : Mac Mineralize Volcanic Ash Exfoliator ~| ريفيو: مقشر فولكانيك اش من ماك

السلام عليكم ورحمه الله وبركاته  ♡ 

ريفيو اليوم عن مقشر فولكانيك اش من ماك ..

اول شي هو نزل ليميتيد اديشين قبل كم سنة وصار عليه مره اقبال  فنزلوا بشكل دايم  في ماك  بعد ما طوروه وغيرو التعليب حقه .

هو منظف ومقشر في نفس الوقت مكون من معادن ورماد بركاني غني بلورات السكر قوامه ثقيل و يناسب جميع أنواع البشرة ولونه اسود .

المنتج يوعد ببشرة نظيفة ورطبة وناعمة بشكل فوري ~

طريقتي  في الاستخدام :

 أوزعه على بشرة رطبة  وأخليه لمدة ١٠ دقائق بعدين أبدء أفرك بشويش بحركات دائرية عشان يذوب السكر وبعدين أغسله  .

النتيجة :

ينظف البشره بعمق ويتركها نظيفة وناعمة ورطبة ويعطيني شعور بالنظافة والحلو فيه انو مايجفف البشرة ابدا. 

استخدمه مرتين بالاسبوع  لانه يشيل الزيوت ويخفف من الحبوب بس مايشيلها كمان احب استخدمه لمن يكون عند مناسبة يخلي الفاوندشين ارتب وانظف ..

فيه ناس تستخدمه بشكل يومي بس احس قوي ع البشرة لانه ينظف بعمق  فاحسن بشكل اسبوعي .

العلبة مره عمليه وتحافظ ع المنتج من الجفاف ..

أنصحكم تجربو وإذا مترددين خذو منو عينة وان شاء الله يعجبكم  ~

سعره : 29 دولار . يعني تقريبا بـ 116 ريال .