Tuesday, October 28, 2014

My Favorites For JUL , AUG & SEP ❤





 السلام عليكم ورحمه الله وبركاته ♡ 
رجعت لكم بعد غياب طويل بس ان شاء الله راح ارجع احسن من اول :) لي فتره أقول راح انزل مفضلاتي للفتره الاخيرة بس الكسل وعمايله .المهم بوست اليوم عن مفضلاتي للفتره الاخيره يعني تقريبا حق ثلاثه شهور. احس أني ما اجدد بالمنتجات كل شهر لاني أحب استهلكو قدر مااقدر عشان اقدر احكم عليه .. سو مفضلاتي عباره عن ميك اب و سكن كير ..





 نبدا بالميك اب ^_^










برايمر تايم بالم من ذا بالم فيلو فيتامينز A,C & E  
البرامير هو منتج ينحط قبل الفاوندشين يهيء البشره ويحميها ويسهل في توزيع الفاوندشين ويخليه يقعد فتره اطول ويعطي ملمس ناعم للبشره ويساعد ع تقليل من ظهور الخطوط الدقيقة و المسامات .انا احب استخدمو لكل الوجه لانو سيلكون فيساعد على توزيع الفاوندشين كويس .
اخذته من موقعه.. 














فاوندشين هليثي مكس من بورجوا 
اول مره اجربو بصراحه مره حببتووو وعرفت ليش الكل يحبو ههههههههههه  المهم يعطي لوك مره طبيعي , تغطيته خفيفه الي متوسطه ينفع للاستخدام اليومي . اذا كان عندك عيوب حطي كونسيلر قبلو او بعدو ويصير تمام .
الحلو فيه انو عندهم درجات مره كثيره يعني سهل انك تحصلي درجاتك ..
الدرجه اللي عندي( Dark Beige( N55  ..





فلات كابوكي برش من سيقما F80
توزع الفاوندشين وتدمجه بطريقه مررره جميله وتعطي نتيجه مررره حلوه من غير ماتخطط , صرت استخدامها مع كل المنتجات السائله والكريميه .. انصح انو يكون عند كل بنت لانو تخلي الفاوندشين سهل في التوزيع ..















بلاشر فرات بوي من ذا بالم .
من البلشرات اللي اعشقها يعطني لون وردي ناعم هو في الاساس لونه ع مشمشي بس ع الخدود يصير وردي ع كورال .
اخذتو من موقعهم ..





 


 اضاءة سائلة من بنفت اسمها قيرل ميتس بيرل 
احب استخدمو لمن حابه يكون اللوك ديوي او فيه لمعه مو قليتر ,احط منو كم نقطه مع الفاوندشين تعطي قلو جمييل للوجه ولونها رايق ولمعتها مره تجنن احسها تنفع للصباح 
اللي عندي الحجم الصغير وناويه لما تخلص اشتري الكبير ..









كونسيلر انستنت ايج ريوايند من ميبيلين .
اللي عاجبني فيه انو مره عملي وسريع وثابت ومايخطط معاي, يعطي تغطية كويسه ينفع اللي ماعندها هالات قوية . اللي هالاتها قوية تستخدم قبلو كوركتر , انا ماعندي هالات قويه فتغطيته متوسطه يعطيني تغطية حلوة احب استخدمو للطلعات الطويله . الدرجة اللي عندي Medium Moyen 
اخدتو من CVS ..











 مات بالم من ريفلون  
تمشي بسهولة ع الشفايف ولونها مره قوي , بالرغم من انها مات ماتنشف الشفايف ..
فيها ترطيب بسيط  وثباتها مره كويس .. اللي ع اليمين رقمو 225 و الثاني 210 .
ان شاء الله راح انزلكم السواتشات في الانستقرام :)
 سعرو60 ريال تقريبا ..







وهنا السكن كير ^_^











مرطب اورنج دايلي 
تقريبا من شهرين استخدمو انا بشرتي مختلطه عندي التي زون (الجبهه والانف والدقن ) دهني مرررره ناسبني ترطيبو مره عالي  و تمتصو البشره بسرعه والحلو فيه انو ما يكتم البشره ومايدهنها 
يعطني نضارة وتصير ملمس بشرتي مره ناعمه . سعرو 120 ريال تقريبا متوفر بااغلب الصيدليات ..







 


غسول للوجه من كلين اند كلير 
اول مره اجرب دا النوع  حلو ويستاهل التجربة
ينفع للاستخدام اليومي فيلو زي الحبوب هذي الحبوب تسوي تقشير بسيط  تنظف البشرة مررره كويس , بس تجفف البشرة على طوول احط مرطب بعده وتصير تمام .
سعرو 28 ريال تقريبا ..






    


 كثير يستخدمو الفازلين العادي لشفايفهم بس انا عندي مشكله معه مااحب ملمسه مره ثقيل
بس هذا الشي ادماااااااااااااااان من اخذته ذا اخف من العادي بشوي , طعمه يمي وريحته مررررره جميلللله ونتايجه كويسه بس ماتحسي شفايفك مدهنه انا استخدمو قبل النوم ولمن اصحى تكون شفايفي مره صحيه وفيها تورد بسيط .اخدته من CVS ..







بخاخ معطر للقدم من بودي شوب . 
هو معطر ومبرد في نفس الوقت يعطي احساس بالبرودة والانتعاش وكمان يساعد ع محاربه الرائحه المزعجه 
استخدمو لمن رجولي توجعنننننني بس ابخ منه ع طول يعطني احساس مررررررررره جميل  ^_^
سعرو بـ 28 ريال ..





              

بودي سبراي من فكتوريا سكرت 
اصلا هو حق اختي بس انا سرقتو منها هههههههههههه لانو ريحته مره حلللللللللللللوه  مو قويه بس مرررررره ثابته بصراحه انصدمت من ثباتو ماتوقعتو كذا ,انا عندي مشكله في وصف الروائح  بس ريحته مرررره هاديه  ..




وبس هذي مفضلاتي للفتره اللي راحت 
شاركوني تجاربكم لو جربتو شي منهم  


كونوا بالقرب :)






No comments :

Post a Comment