e.l.f review ♡♡

السلام عليكم ورحمه الله وبركاته ..

كيفكم وكيف رمضان معاكم ؟؟

ادري اني مقصره بالبلوق بس تعرفو رمضان وحوسه المهم ماعلينا بوست اليوم ريفيو عن منتجات من e.l.f 

اول شي هي ماركه امريكيه اسعارها معقوله بس جودتها كويسه تعتبر بديله للهاي اند جربت منها كم منتج وراح اقولكم انطباعي عنها  

سو يلا نبدا ..

اول شي مقشر شفايف شوفت عليه مدح مررررره كثير فتحمسست اجربو

حبيتو من اول استخدام وطعمه مره يمي , بصراحه هو اللي اقدر اقول عنو انو مقشر من جد مو زي حق لش , صرت مااستغني عنو ..

باليت الحواجب استخدمو كثير لانو اهم شي عندي تكون حواجبي مزبوطه 

كان من ضمن مفضلاتي للفتره الماضيه هنا والين دحين مستمر بصراحه انا في حاله عشققق معه وما اقدر اعيش بدونه ..

بلاشر كريمي مره جمييييل ع البشره 

 وفي ناس تستخدمو كمان كروج بس انا ماقد جربتو 

   حبيته لانه يندمج بسرعه بالفرشه , نقطه منه تكفي وزياده وثباته جمييل درجه سوبر ستار 

سواتش من النت ..

منطف يومي للفرش احب استخدمو قبل ما استعمل الفرشه وكمان بعد الاستعمال بشكل عام ينظف الفرشه كويس وريحته مره جميييييييله ..

مثبت الميك اب  يحتوي ع الصبار وشاي اخضر وخيار وفيتامينات A ,C & E  ذي الاشياء مره كويسه للبشره و يعتبر بديل لماك فكس بلس , استخدمو اكثر شي لمن تكون بشرتي نظيفه يعطني انتعاش مره جميل خصوصا مع جونا الحلو ..

 

مات لب كولور

 مره حلو ع الشفايف وما يشققه درجه ناتشورال يعتبر بديل لروج ماك كريم كوب بالنسبه للثبات ماجربته ساعات طويله بس تقريبا من ثلاثه الى اربعه ساعات بدون اكل .

سواتش من النت.. 

نفس اللي فوق بس لون احمر لونه مره جميل ويعتبر بديل لروج ماك روبي وو 

سواتش من النت ..

ماسكرا ثلاثه في واحد 

تعتبر من المنتجات الافضل مبيعا 

بس مااحسها تسوي شي لا تطول ولا تكثف !! لمن احط طبقه ثانيه ع طول تكتل معايا :| يمكن الشي الحلو فيها اني اقدر اوصل لكل الرموش ..

منعش لمنطقه العين ينفع قبل ميك اب 

مالو اي نتيجه غير انتعاش ..

اذا جربتو شي من اللي ذكرته عجبكم او ماعجبكم شاركوني بالكومنتس احب اشوف ارائكم ..

اذا حابين تجربوه متوفر في متجري ..

كونوا بالقرب دوما ♡♡